Қазақстан Республикасы Үкіметінің 2012 жылғы 21 қаңтардағы №148 қаулысының 9 тармағына сәйкес: Қабылдаушы тарап өздерінде болатын көшіп келушілер туралы ішкі істер органдарына олар келген күннен бастап үш жұмыс күні ішінде хабарлайды. М.Әуезов атындағы ОҚУ-нің шетелдік студенттері Қазақстанға келген күннен бастап үш күн ішінде көші-қон басқармасына тіркеуге қойылуы тиіс. Шетелдік студент тіркеу мерзімін ұзартуға және оқу визасын  аяқталу мерзімінен  25 күн бұрын Халықаралық байланыстар орталығына өткізуге тиіс.  Шетелдік азаматтардың  ұлттық төлқұжаттарының жарамдылық мерзімі аяқталған жағдайда, ұзарту немесе ауыстыру туралы мәліметті Халықаралық байланыстар орталығына ұсынуға міндетті.  Шетелдік студенттің нақты тұратын мекенжайы, тегі, аты, туған күні, алған жаңа ұлттық төлқұжаты және басқа да құжаттары өзгерген жағдайда, осы туралы ақпаратты 3 жұмыс күннен кешіктірмей Халықаралық байланыстар орталығына хабар берілуі тиіс. Шетел азаматы тұрғылықты жерін ауыстыратын жағдайда, жаңа тұрғын үй иесінен алынған өтініші және куәлік көшірмесі немесе қонақ үйде тұруы туралы растайтын құжатты Халықаралық байланыстар орталығына тұрғылықты жерін ауыстырған күннен бастап 3 күні ішінде хабарлауы керек. Шекарадан өтуі қажет болған жағдайда, шетелдік азаматтар Халықаралық байланыстар орталығына жүгінуге міндетті, яғни шет елге шығуға рұқсат алу. Арнайы рұқсатсыз басқа елге шығуға және тұрғылықты орын ауыстыруға тыйым салынады.  Шетел азаматы Қазақстан Республикасы аумағына қайта келгеннен сон миграциялық есепке қою үшін 3 жұмыс күні ішінде жеке басын куәландыратын құжатпен Халықаралық байланыстар орталығына келеді. Шетелдік студенттер Қазақстан Республикасына келіп және белгіленген тәртіпті бұзып, мемлекеттік шекараны кесіп өтіп, дер кезінде есепке тұрмаған жағдайда, Қазақстан Республикасында рұқсат етілген мерзімі  аяқталғаннан кейін елден кетпеген жағдайда, заңсыз қызметті жүзеге асырып жүрген жағдада,  сондай-ақ миграцияға есепке тұрғаннан кейін, өзі туралы нақты емес немесе жалған мәліметтерді  тарату бойынша  және Қазақстан Республикасы аумағында заңсыз жүру амалдары бойынша Қазақстан Республикасында заңнамасына сәйкес жауапкершілікке тартылады. Оқу орнын бітіргеннен кейін, болмаса оқу орнынан шығарылғаннан кейін және еңбек келісімшарты аяқталғаннан кейін Қазақстан Республикасынан Халықаралық байланыстар орталығы белгілеген мерзімде шығып кетуі тиіс. Шетелдік азамат Қазақстан Республикасы аймағында ереже бұзған жағдайда ішкі істер  органдарының қызметкерлері хаттама жасап, әкімшілік құқық бұзушылық туралы мән-жайларды баяндайды. Шетелдік студенттер жоғарыда аталған ережелерді бұзған жағдайда әкімшілік жауапкершілікке тартылып айыппұл төленеді, Қазақстан Республикасынан шығарылып жіберіледі және университеттен шығарылады.  М.Әуезов атындағы ОҚУ оқытушылары, қызметкерлері және білім алушылары М.Әуезов атындағы  ОҚУ 27 шілде 2007 жылғы Қазақстан Республикасы «Білім туралы» заңының 3-ші тармағы 43-ші бабы бойынша этика Кодексі – ішкі тәртіп ережелерін университет шеңберінде бекітілген корпоративтік этика нормаларын сақтай отырып жұмыс істеулері тиіс.